" SERRAMANNA TENIT SA FORTUNA "

" QUARTINAS "
Serramanna tenit sa fortuna
de possidi kè rara realtadi:
s'opera valorosa non comuna
arregalada de s'antigkidadi.

E post'accanta de su campanili
s'a memorànd'artistica bellesa;
in su prospettu de unicu stili
a dimostrai ca est' una rikesa.

De sa bidda,ea centru e posta
po dda biri sù ki passat puru:
in sa prazza candu fait sosta
a luxi clara o siad'asu scuru.

Issa sperada fini de non tenni
ea no subiri restauru profundu:
in su tempus ki sigkid'a benni
potzat durai cantu bivit mundu.

E cun'orgogliu dognia cittadinu
in sa vida ddi tengat rispettu;
e no dd'abbandonid' asu distinu
ma de salvesa ddi donid'affettu.

" DENISE PIPITONI "

Denise Pipitoni
non benid'agatada:
apusti de annus kiest'isparessia.
E' tenid'arrexoni
cussa Mamma ispantada,
ca sa filla ddi parid'isvanessia.
E'non podit cumprendi
su ki funti pensendi;
po totu sa cosa kièt cuntessia.
A non sindess'iscipiu,
nèa sa fini è mancu po principiu.

E'ca sa cosa è seria
totus funti narendi:
po cussa kiè pobera famiglia.
Ca ddè morta s'arteria
ki teniada bivendi,
po su gosu e manna meraviglia.
Ma po culpè sa genti
de signiu diffèrenti;
ki sèt propost'a ddi fai puntiglia.
Po ki prangiat sa filla,
candu podiada essiri tranquilla.

''MONSIGNOR LEPORI A CUSTA BIDDA''

" SESTINAS ANACREONTICAS "

MONSIGNOR LEPORI, A CUSTA BIDDA
DEU SCIU CA ISSU SEMPRI DDI NARADA:
SERRAMANNA ISTIMADA
CUN SU VERU AMORI ABISITENDIDDA.
CANCI TENIAT PARENTIS
AMIGUS PURU , E MEDAS CONNOSCENTIS.

CA NON SI FIAT DE NEMUS ISCARESCIU
BENIADA CUNTENTU A DDUS SALUDAI;
E ' T ' A DDUS ABISITAI
ONORENDI SU LOGU KI DDIAT CRESCIU.
SU MANNU MONSIGNORI,
DIGNIAMENTI CA DDI TENIAD ' AMORI.

E ' T'FINAS DEU DDU RIGORDU ANCORA
CA DD ' APU CONNOTU A GIOVUNEDDU:
A PARRUCCU IN CASTEDDU
IN CRESIA, DE SANT'ANNA PROTETTORA.
E ' T'PO MEDAS ANNUS POI,
CA NARAT MISSA IN CRESIA DE SU LOI.

E IN SA CRESIA, DE DDI NAI MODELLA
KI A SANT' EFIS DDU BIADA BESSENDI;
SENDI A NORA PARTENDI
A SU TEMPUS DE MONSIGNOR PIOVELLA.
FIAT REGGIA DE PEPPEDDU,
SA BELLA PARROKKIA DE ZI'EFIXEDDU.

PO SANT'ANTONI DE SU FOGU.

Po Antoni de su fogu
sa genti fainti festa:
alluendi su mannu fogadoni.
ki sartanta po giogu
is giovunus nottesta,
e si cointi finas un'angioni
E' cun divertimentu
passant'unu momentu;
de su callenti tenend'arrexoni.
si pappanta sa cena,
è s'ispassianta cun sa brenti prena.

Cantanta muttetteddus
è cun su fogu calau:
fadendindi contu de su santu.
Ponit'a co'is porceddus
è cun su pani arridau,
sa festa diventad'unu spantu.
E' bivinti s'allegria
in sa bona cumpangia;
si gosanta sa musica è su cantu.
Sardu, cun ' Italianu,
po dda finiri a mesu mangianu.

A KINI E CASSADORI.

A kini e cassadori
oi deu dd'arreccumandu:
candu band'a monti po cassai.
De pensai cun'amori
è ascurti su cumandu,
a su sonu ca non depid'isparai.
E't'dongad'attenzioni
ki siada su sirboni;
cussa cosa ki megada de puntai.

E de su cumandanti
s'ascurti su consillu:
candu ddu donad'a sa soziedadi.
mandendidd'ainnanti
tipu babbu cun fillu,
su rispettu si usit cun bundadi.
po si salvai sa vida
s'abbarrid'a sa scida;
tenendi una manna cantidadi.
De attenzioni'e rispettu,
onorendi sa cassa cun'affettu.

CUSTA MIA BONASERA

Custa mia bonasera
a ' totus bollu donai:
immoi ca seu fadendi sa presenzia.
cun poetica manera
pensu de' si saludai,
sperendi de mi tenni passienzia.
Is personas presentis
de poesia competèntis;
Ki'a'sa rima teninti prèferenzi.
E't gosanta cuntentu,
de su Liburu biendi s'evèntu.

Oi deu non potzu cantai
Comentè candu sa boxi tenemu:
maq cun prexeri mi bollu presentai.
Siad'a caddeu ke a Remu
datu ca mè capitau,
oi de ddis'essi postu a su costau.

In bidda de Masili
fattu'appòsta po ddi rend'Onori;
custu nostru radunu consortili.
Po cussu cantadori
su rigordu tenendi,
de candu fiat' giovunu cantendi.

PO SA MORTI DE SU PAPA

Bintun'etrintasetti s'ora fiada
chi su Papa Romanu ad'ispirau:
è sa campan'a mortu s'intendiada
in santu Perdu trista cat sonau.

Unu sonettu cund'un'Undixina

E' sa genti a curri si poniada
ca su Babbu spirituàli fiat mancau;
e su mundu cun pena ddu prangiada
Ca Karol Wojtyla sindi fiad'andau.

Ponendi luttu a su mundu interu
è non in su vaticanu solamenti':
po cussu mali chi dd'ad'aggrediu.

chi po totus est unu misteru
è non solu po su chièt credenti;
ch'issu po santu benit definiu.

E' prim'ancora de ddu sepelliri
A milionis badanda po ddu biri.

Undixina

Su papa Generosu
at cessau s'esistenzia:
su meri de su primu de Arbili.
At's'etèrnu riposu
et Santa passienzia, si ca fiad'affabili e Gentili.
Ma s'edadi passada
e iscampu non lassada;
a pustis de su tempus giovanili.
S'omin'imbecciau
benid'a su paradisu tramandau.

PO SU CAPU MAFIA

E' Provenzanu benid' arrestau
a pustis de una vida latitànti:
ma nau tra nosu, no dd'anti circau
po s'ess'iscmpau totu cussu tanti.

E' custu is giornalistas anti nau
c'a tent'aggiudu de genti birbanti;
in foras aicci po dd'essi lassau
dirigiendi sa mafia de garanti.

Immoi ca in presoni dd'anti postu
po su pasiu ddi podit serbiri:
sempri su capu po sighir'a fai.

senza chi depat pagai su custu
de su mali ch'issu at fattu biri;
a faccimanna sighend' a cumandai.

Bivend'a' ispalas deis Italianus
Podd'ess'aportu su pani a manus.



















,

SA BECCESA MIA

Antoni caru ti' ses'imbeccendi
cun sa saludi chi si ponit'mali:
ca dognia Di peus'est andendi
de' fai a' ddi nai ca parit fattali.

E'a dogni' ora ddu seu pensendi
ca' sa gioventudi non fiat'oguali:
ca' su tempus puru' e cambiendi
finzas' is mesis mi parint' Attongiu.

Cun temporadas de dognia manera
chi fainti tremi coment'e' sa canna;
finzas de bastoni a' tenn' abisongiu.

Ma tui ' speras chi bivas' ancora
E' pigas pastiglias'casi a dogni' ora.

PO S'ANNIVERSARIU DE SU MATRIMONIO

C'inquant'annus inci funti passaus
de su Bintitresi' de DogniaSSantu:
ki nosus' dusu , si femus'isposausu
su cinquanta setti, nau cun vantu.

E't sa festa cuntentus rinnovaus
oi, ca sa data riccurrid' intantu;
e' t' festendi su gosu' ind tengaus
senzè ddi fai discursus de' ispantu.

A't mesu seculu lassau lontanu
de su tempus ' de sa gioventudi:
ispendiu ' po ' tenni' una famiglia.

De connosci cun veru sensu sanu
è t' isperendi' annus dend' accudi;
in custu mundu de sa meraviglia.

In s'idea de non connosc'ingannus
E' fadendiddi' fest' aterus annus.

PO SA FESTA DE SU MATRIMONIO

CANTADA IN SA FESTA DE SU CINQUANTESIMU ANNIVERSARIU

A' totus po sai fattu cumpangia
oi deu si ringraziu de coru
E' t' siddu fatzu cun sa poesia
Cantendidda a' cospettu inzoru
isperendi ki bengat preferia
Bengu a nai ca deu s'adoru
E' t'de cantu ndi seu cuntentu
Sidda cantu po ringraziamentu.

RATZINGER FATTU PAPA

Papa wojtyla po sind'ess'andau
subitu s'ateru benid'elettu
Benedettu Sedicesimu votau:
in vaticanu benit predilettu.

E' in su terzu iscrutiniu annunziau
benidi de su Romanu distrettu
cun sa campana chi hanti sonau;
a su mundu ispraxendi s'affettu.

E' hoi ha Colonia manna Festa
totu is giovunus ddi funti fadendi:
cun sa preferia Religiosidadi.

Finzas de Cina badant'a sa lesta
a sa Germania totus suncurrendi;
de qualsias chi siat nazionalidadi.

E' funt'andaus totus po ddu biri
Ca sa stanchesa ddus faid'arriri.

PO SA MORTI DE SU SPETTORI

O ' ALESSANDRU SU TUU SACRIFIZIU'

" PO ALESSANDRU DI LISIO"
MORTU DEIS TALEBANUS

O' Alessandru su tuu sacrifiziu
Is talebanus'ddus potzat firmai:
e' ddis fatza' torai' su giudiziu
simili' stragis de non di pensai.

De sa guerra perdanta su viziu
sa genti a bivi pò podi lassai;
e cun sa paxi firmint'armistiziu
vidasumanas po no' ispreccai.

E'non fatzant'azzionis luttuosas
Inis cunfrontus de s'umanidadi:
mostrendisiri diess'impetuòsus.

Po fai prangi Mammas' e'isposas
ponend'in attu' sa' barbaridadi;
sceti po nai ca funti coraggiosus.

Ma' de' Alessandru benga rigordau
Su sanguni k'in terra' e ' riversàu.

CA SA MUSA CUNTENTU

Ca sa Musa cuntentu
Deu si nau ca ma fattu:
Imparendi miri' a cantai' poesia.
Ca' fortun' apu' tentu
Sempri dd'appessi gratu,
C'a m'incontrài po finas' e benia.
Ea' mintendi' cantendi
Demi'aggiudai pensendi;
Datu ca deu dda tengu preferia.
Issa ' po totu' vida,
A mei mi creid' una ment' iscida.

Versus' in su ' dedicài
Mancai non ci siat festa:
Deu' su rigordu caru nd'ap' a tenni.
Sempiri po dd' onorai
Cun sa forma modesta,
Issa' de custu ndi podit cunbenni.
C'a ' p' usau ' sa favella
Po' sa Musa' prus bella:
Ki merittad' un' Encòmiu Solenni.
Cun su Ringraziàmentu,
Po ss'idea bona kipo mei a tentu.

'AIS KI LIGGINTI SU ROVINCIALI'

Ais ki ligginti su Provinciali
Antoni Serra ddis fait s'Auguru:
s'Annu chi beni puru
de ddu passa'in modu speciali.
E' tenni sa fortuna,
de non siddu bivi a sa comuna.

E' de lassai attesu certus malis
po si biri cuntentus de saludi;
coment'e in gioventudi
de s'abbarrai sempri naturalis,
E' tenni su cuntentu,
diessiri sanus dognia momentu.

E' de non depi subiri fastidius
de s'agatai a manus allenas:
pondi supportai is penas
de si connosci certus dissidius.
Ki donanta' iscunfortus,
firmendi po finas is rapportus.

E' a dogniunu comenti disigiada
oi deu torra ddi boll'Augurai;
is Festas de si gosai
è fatzada ki non s'affrigiada.
E' cunis' caru susu,
a podi finas ottenni de prusu.

MULLERI MIA COMENT'AD ' A FAI

Candu deu non c'aiapessi prusu
mulleri' mia commenti'ad a' fai:
a sa limusina eis'fillus susu
senza de mei' e' senz' è dinai.

Ca sa pensioni ki pigaus' un 'dusu
mancu a mettadi sidd'ant'a torrai:
è' deu cumprendu ca'est' un'abùsu
ki finzas mali' ponid' a pensai.

E' s'arrexonu ddu fatzu in su seriu
ca francamenti' et' sa beridadi:
è ' deu e't cussa ki seu narendi.

Propriu po kini èt senz'è critèriu
è' ponid' in usu cussa realtadi;
senz'è pensai kest' esagerendi.
M'à ki ' a' sa genti ddi' teniant' istima
ddis 'arrecumandu de pensai prima.

SU MUTTETTU IANTA PREFERIU

Su muttettu ianta preferiu
Marcellu Matta e Giovanni Broi
cantendindi unu bonu tanti
postus a costau de Chicchinu
de Campidanu un su compartu
finas bosaterus ddu narais
sa fama insoru rigordendidda
poita non anti biviu de prusu.

Rima

Is dus Pillais cun miminu moi
sa bidda de Quartu ant'ingrandiu.

In sa zona de su Montearci
de s'ossidiana nc'è su filoni
è Morgongiori su vantu situ
tenit connotas cussas collinas
è ca no fianta perdas moddis
de issas freccias ant'inventau
e po cassai ndi fadianta usu
candu su fusili non tenianta.

Rima

Iant'accumpangiau finas a Lono
Is dus loddis cun Cicitu Farci.

PO SA CANTADA IS' ASCURTADORIS.

Muttettus a sa campidanesa


Po sa cantada is ascurtadoris
in piazza si bianta radunaus
a Quartucciu po sa diffenza
totus badanta cun pressi
a pigai su postu dd'attesti
inis'antigus passau annus
po no essi sezzius lontanu
antecipanta medas orettas.

RIMA

Is poetas mannus po sindess'andaus
Campidanu esti senza de cantadoris.

Cantendi in sa bidda insoru
po sant'elena nci fiat carlinu
a Mimmu po dd'affiancài
in sa gara crettida de lussu
cun Cicitu Farci cantendi
a Moi ddi donanta cunsensu
in su fattu de cantai de sei
ma narada a Farci dd'abbetti.


RIMA

Iscetti ca pensu ai cussu distinu
A mei e fadend'intristai su coru.

SA NASCITA DE ALESSANDRU

De sa fini de s'ottava luna
prusu non as cretidu'aspettai:
e' su 25 e friargiu sa fortuna
a't su mundu tà fatt'affacciai.

E't Siena Cittadi non comuna
cuntenta Cittadinu de ti fai;
t'oberit sa porta tot'in d'una
in su' Tempiu fadendit'intrai.

E' Alessandru' nomini distintu
Babb'e Msmms tant'arregalau:
è faid' onori a totu sa famiglia.

Nominau' eredi è benis Cintu
de su nomini e de su sangunau;
onori a tui è nostra meraviglia.

E' siast' di' esempiu' in su futuru
po ti connosci mannu, nosu puru.

A NEPODI MIU FILIPPU GRUSSU

Hoi Nepodi miu mas' invitàu
a bandai a s'asilu a t'agatai:
ma non mi naras su chi depis fai
no' adessi po ti biri solamenti,
po' apustis su saludu riverenti
it' arrenfriscu tenis preparau.

Ajaiu Tu

Caru Nepodi miseu isbagliau
aspettendi po cuddu cumbidu:
oi purtroppu mi depu convinci
chest unu sonnu fattu iscidu,
ca su tempus parit passendinci
e s'arrinfriscu in buttèga lassau.

Ca tindi ses dormiu de siguru
a' ajaiu senz'è du cumbidai;
berus ca ses pitichedd' ancora
ma cun s'idea de m'imbrogliai,
ca su fattau noè de pagu s'ora
gei ddas' arregordai tui puru.

CUN SA CUXINA SARDA KI E' FAMO'SA

Cun sa cuxina ' sarda ki' è famòsa
Totus' pappanta cun' bon'appetitu:
ca't'in' su fogu si coi'dogna cosa
siad'Angioni Porceddu' o Crabittu.

Cott'arrustu sa Triglia' e gustosa
Cun Sarigus' Carina' o Ispirrittu;
E sa cassola de' sa' trmulosa,
O' su Conillu' de cass'a'Sukittu.

A s'alegusta cunis'maccarronis
E' sa Cocciula fatta cun minestra:
Cun'sa fregula preus po dda gustai.

Ais' malloreddus' cunis' Arrizzonis
E' funti cosas de ' fai a' sa' lestra;
Totu' pietanzias de prandi' e cenai.

E' praxibili' cosa ' de' cuntentu
Nant'a' sa Lissa de' Ispartiventu.

CA SA BECCESA E MALADIAA MALA

Ca sa beccèsa è maladia mala
bessad'a kini ddu podit negai;
su ki deu potzu affirmai
ca su dda bivi no èst'una gala.
cun su ki s'inventada,
pagu genti nau cuntentada.

Si non cancunu fortunau meda
de dda gosai senzè tenni pena;
è sunfriri sa scena
privu finas de ndi torrai sceda.
Comentè passendidda,
su ki custa cosa e narendidda.

Ca dda bidi de gusta manera
è pensada de noess'isbagliendi:
po cussu kiè subendi
de s'Attongiu a sa Primavera.
Fiss cunis'acciaccus,
po si pigai pastiglias, a saccus.

E' it'arrazza, de bella fortuna
ki sa vida si ponid' a' offriri;
fadendiddi sunfriri
narendidda cun frasi comuna.
Po su tristu biventi,
ki non moridi de cosa differenti.

" S'AUGURU DE BON'ANNU PO SU DUAMILAEDEXI"

S'auguru de Bon'annu
immòi deu bollu donai:
ca esti s'ora de ddu fai
po essi doveri mannu,
de s'apporri cuntentu
propriu custu momentu.

Speru de dd'agradessi
ke sa volontadi mia;
de dda tenni preferia
s'idea po favoressi,
a s'intringi sa manu
in su primu mangianu.

A' totu is componentius
de sa nostra famiglia:
cun vera meraviglia
à is ki funti presentis,
atterus Annus puru
cuncedat su futuru.

De si fài custa festa
cuntentus è in Saludi;
si nau de sidd'accudi
in sa modu modesta,
ki si pongu in poderi
pon di godi prexeri.