PO SA MORTI DE SU PAPA

Bintun'etrintasetti s'ora fiada
chi su Papa Romanu ad'ispirau:
è sa campan'a mortu s'intendiada
in santu Perdu trista cat sonau.

Unu sonettu cund'un'Undixina

E' sa genti a curri si poniada
ca su Babbu spirituàli fiat mancau;
e su mundu cun pena ddu prangiada
Ca Karol Wojtyla sindi fiad'andau.

Ponendi luttu a su mundu interu
è non in su vaticanu solamenti':
po cussu mali chi dd'ad'aggrediu.

chi po totus est unu misteru
è non solu po su chièt credenti;
ch'issu po santu benit definiu.

E' prim'ancora de ddu sepelliri
A milionis badanda po ddu biri.

Undixina

Su papa Generosu
at cessau s'esistenzia:
su meri de su primu de Arbili.
At's'etèrnu riposu
et Santa passienzia, si ca fiad'affabili e Gentili.
Ma s'edadi passada
e iscampu non lassada;
a pustis de su tempus giovanili.
S'omin'imbecciau
benid'a su paradisu tramandau.