PO SA MORTI DE OTTAVIU CABONI

DUAS

UNDIXINAS

Ca ddi femu‘unu clienti
Deu ddu bollu ‘ saludai:
Ca‘imprus mi fiada‘unu caru’amigu.
De ‘ ammirai veramènti
Oi ddu depu finzas nai,
De cuddu tempus passau’e’ antigu.
De s ’epoca lontana
Finzas a sa simana;
De ’ i custu disumanu castigu.
Ki sa vida nda pigau,
E ‘ t ‘ senza ki benessidi ’avvisau.

Ma s ’ etèrnu riposu
Caru’ Ottavìu ti gosis:
C ‘ a pustis ’una vida traballendi.
As ‘ tentu pagu gosu
Po sempri ‘ ti riposis,
Sa Santa Paxi Etèrna ‘ ottenendi.
Ca de sa vida privau
A giovunu ses ’ istau;
Su dòveri ‘ ancora ‘ ottemperendi.
Ma cun paxi riposa,
E ‘ po sempiri ‘in sa Gloria ‘ gosa.

( Antoni Serra )

Porgidi is Condoglianzas.

A totu sa Cara Famiglia.

Serramanna:

su Binti de Friargiu

de su Duamillaeottu.

'' APUSTIS DE DUS ' ANNUS,CARCERAU''

“ UNU ”

“ SONETTU ”

Apustis de dus ’ annus carcerau
San Gavinu mi torras ‘ a biri:
de reattu senzè ndessi cumbinau
in sa cella ses tenendimiri.

Non ti bastada su ki apu passau
ateras penas bolis ‘ attribuiri:
senzè isciri mi bolis cundannau
meda tempus po depi sunfriri.

In custu logu torra presoneri
manna cundanna po depi scontai;
senza de tenni ‘ imputu perunu.

Bengu scortau de su carcerieri
un ’ atera pena po depi pagai:
in flitta pensu de cuddu tribùnu.

Ca torra mi tenit postu in su palu
sempri pensendi capu fatt’a malu.

OI SANREMU NCIA PERDIU SA FAMA

“ UNU ”
“ SONETTU ”

Ca Sanremu ncià perdiu sa fàmA
ki de meda tempu possidiada:
a poi annus ddè lompiu su dramma
è’t ‘ s ’ onori ottentu ddu finiada.

De candu Mina s ’ Italica dàma
su Festival cun preggiu binciada;
de canzonis cantendi una gàmma
cun sa splendida boxi ki teniada.

Affiancada de aterus cantantis
ki fianta po campionis rinomaus:
a’ t ‘ sa portada de Mino Reittanu.

O de Tenoris nascius a ’ innantis
ki fianta Sardus nominis vantaus:
tra Sassaresus e ‘ t’ Cagliaritanu.

Cun s’Attori ki fia Rossano brazzi
Ò su Tenori famòsu Schiavazzi.

CUSTU CAMBIAMENTU DE SU DINAI

“ QUARTINAS ”
“ ANACREONTICAS ”

Custu cambiamentu de su dinai
a ‘t’ nosu sat postu in disisperu:
kè unu disastru veru
ca prima nò dd’anti boffiu pensai.
Ò de dd’ess’immaginàu,
ca su prezziu dd’ usanta triplicau.


Cussus isfruttadoris ‘ incoscientis
po si bolli diventai prus ‘arriccus;
furendi deis piticus
è de is ki funti totus nullatenèntis.
Ki nudda anti connotu,
è’ t ‘ ddis depinti comporai totu.

Is cosas ki ddis funti necessàrias
a unu poburu po si depi bivi:
ma senza de s’atrivi
de fai spesas ki funti contrarias.
A portada de bucciacca,
po dd ’ arriccai cussa genti macca.

MARIA DE FILIPPI CUN COSTANZU

“ UNDIXINAS
“ ANACREONTICAS ”
Maria De Filippi cun Costanzu
fillus impari non d ’ anti tentu:
po tenni su cuntentu
de ddus podi cresci cun discanzu.
È de si ddus imprassai,
prima de sigkiri med’aimbecciai.

Però non ci funt ’ arrennescius
po su fattu ca issu est ’ anzianu;
è t’ parit casu stranu
ca de cussus si funt ’iscarescius.
È’t ‘ onoraus po benni,
mancunu nd’anti potzidu tenni.

Èt’ oi funti sigkend ’ aessi solus
ca de famiglia non d’ant’allevau:
è non disè capitau
de tenni certus ’ aterus consolus.
Senza de tim ’ is costus,
è nai custus funt’is fruttus nostus.

Ca tenianta sa possibili dadi
oi tra cussus funti narendiddu;
è finas pensendiddu
a pusti kincianti passau s’edadi.
Issus bivinti pentius,
po no a’i mpari generau pipìus.

UN'' AUGURU A MULLERI MIA

UNU UNDIXINAS

Custu ‘ Caru ‘ Auguru
Dongu ‘ a mulleri mia:
Ca Settantases’annus a compriu.
Sperendi‘a su ‘ futuru
De lompi cun ’allegria,
Custu esti su gentili’Auguru miu.
Cun ‘ s’intera famiglia
Kest ’ una ‘meraviglia;
De ‘ ti ddu ‘Festai ‘ anti ‘ preferiu.
Narend ‘aterus’annus,
E ‘ de ‘ bivi cun ’ allirgus pannus.

Comenti ‘ tui ‘ disigias
T ‘ assista‘ sa Fortuna:
A ‘ non ‘ ti ‘ fai ‘ connosci doloris.
E ‘ ki ‘ non‘ t ‘affliggias
Mai‘de cosa ‘ nisciuna,
Ti ‘ fatzu s ‘ auspiziu de ‘ fervoris.
A ‘ ti biv’ in cumpangia
Ca dda‘ tenis ‘ preferia;
Lassendi perdi ‘ finas is Dottoris.
Tenendi ‘ sa ‘ saludi
Totu ‘ is ‘ annus ki podis‘ accudi.

OLINDU ROMANU CUN ROSA BAZZI

SESTINAS

ANACLEONTICAS

Faidi de dda rinnegai
Sa facci tosta de dus’ assassinus:
Cun‘s’interrogu falsau
Pois ‘poberus bixinus,
Narendi ca non danti ‘massacràu;
Po nò ddus cundannai.

Fainti sa ‘ modifica
A ’ i ‘ cuddu primu ‘ interrogatoriu:
Ca ‘nò ‘ est ‘ beru narendi
Ca‘obbligaus’ sustenendi,
E ’ca non tenid ‘nisciunu fundoriu ;
Mancu sa scientifica.

È‘ca ddus’ant’incastraus
A ‘ ddisis fai cussa cunfessioni:
Po nò ’ tenni ‘ cundanna
Ddu nant’affann ’affanna,
Po si salvai ‘ de biv’ in presoni;
E ’ po nò‘ èssi ‘separaus.

Candu cussu misteru
Totu beni su fattu nd ’ isvelada;
Pens’a ’is Carabineris
È ‘ faulas nòn di neris,
Ca ‘su negai prus non ‘ ti tutelada;
Prestu nara ke beru.

A SA MADDALENA CAND'EST'ARRIBAU

DUS
MUTTETTUS

A ‘ sa Maddalena cand’est’arribau
Cun sa scorta manna ‘ interamenti
De ’ is Carabenerisi ‘ a ‘ su fiancu
Totu ‘ is ‘ aterus ‘ portad ’ avàtu
Po ‘ sa ‘ vaccanzia de ‘ s ’ Istadi
Su ‘ cretiu ‘ Presidenti ‘ Italianu
Cun ‘ tanti ‘ de ‘ supèrbia ‘ però
De ‘cussu ‘altu‘ omini ‘ comunu
Ki ‘ naràda ‘ su populu ‘ iscaldi.

Rima

Unu stalinianu ‘ fattu presidenti
A ‘ Garibaldi nò dd’adi mancu saludau.

Ca su traballu senza de s’accozzu
Non s ‘ acquistada ‘ e’ de ddu crei
Po ‘ burocraticu ‘ valori ‘ ingratu
De su ‘ poberu ‘ cun ’ d ‘ isfortuna
Candu disoccupau ‘is’acciappada
Po ‘ ki ‘ de su famini ‘ is’isfuggada
A ‘ s‘aria ddi toccat ki ‘ s ‘ impreidi
È ‘ pon ‘ ci ‘ crei ‘ assolutamenti
A ‘ isfuggiri ‘ de ‘ fai ‘ diggiunu
Non ‘ serbid ‘ abbarrai brandu.

Rima

Candu su Presidenti promulgada una Lei
Nisciunus creidi ki ’ appada ‘ fattu sforzu.

A' SA COSTA SMERALDA

DUAS

UNDIXINAS

A ‘ sa Costa Smeralda
Ddi nanta sa sorgenti:
Alimentadora ‘ de Milonarius.
È ‘ t ‘ sa speciàli falda
Nascia po cussa genti,
E ‘ non ‘ de piticus proletàrius.
Miserus ‘ Sardignolus
Ca ddus lassanta solus;
E’trattàus comentè Legionàrius.
In Legioni ‘ staniera,
Ca ddis nant‘avànzus de galera.

Cussu’esti su progressu
Fattu ‘ poi ‘ s’ arricconis:
E’t ’ po balordus presentadoris.
Ki ‘ tenint ’ interessu
Guadangendi ‘Milionis,
Ateru ‘ ke ‘ poburus ‘ pastoris.
Ki bivint ‘ in ‘ campagna
Cuddus fainti cuccàgna;
A’ fiancu de’is’amministradoris.
Sempri ‘ fadendi festas,
Non timinti né‘iras‘ò’tempestas.

GRAZIA DE SA RISPOSTA.

" DUAS UNDIXINAS "

GRAZIA DE SA RISPOSTA
A SA RIKIESTA FATTA:
E 'T' IND'AMMIRU SA GENTILIDADI.
DE SA GENTI DISPOSTA
A SI DIMOSTRAI GRATA,
DE SA GENIALI - SENSIBILIDADI.
IN DOGNIA MOMENTU
PO DONAI CUNTENTU;
E ' T'APPORRENDI S'AFFABILIDADI.
PO SU COMPAESANU
CA DE MEDA BIVID ' A LONTANU.

KI NO USAT SA PRETESA
MA SOLU PO CUNTENTU;
CUSSA LISTA DEU SEMU DOMANDAU.
PO TENNI CUNTENTESA
NOTIZZIA DEAI TENTU,
CALENCUNU DE DD ' ESSI RIGORDAU.
SENZE PERUNU SCOPPU
MAN CI TENEMU TROPPU;
E FINAS VERSUS DDI SEMU DEDICAU.
AIS KI MI FIANT'AMIGUS,
INIS ' LONTANUS ' TEMPUS 'ANTIGUS.














ANTIGUS.

" CA ZI''EFIS NON BOLIDI "

Ca ZI'efis non bolidi
Ki bandid'a ddu biri:
A su caru antoni ddi mandad'a nai.
E ki si consolidi
Finas ddi faid'isciri,
Ca un'ater'annu nc'è de dd'aspettai.
Po biri su passaggiu
De su prossimu viaggiu;
E ki prima beni sigad ' a sanai.
Datu ca su cuntentu
De bandai cust ' annu nò ddà tentu.

E po s'annu venienti
Cun bona volòntadi;
finas sa forza torra ddì dongada.
De ddù biri presenti
E tenni facultadi,
Ma baston'in s'arroda non pongada.
A ddi donai disturbu
Po depi fai su furbu;
E mai cuss ' idea dda dispongada.
Ca cunsa mal'intesa,
Non donat de certu cuntentesa.

SIKIDI PO SU CARU RICORDU

M’apustis pagu tempus ki ddoi femu,mi fiat suzzediu
dendessir’arruttu de una matta segkendi figu,si fiat
segau su cambu enc’èmu fettu is costas ind’unu canali
fattu in Cimentu,e femu abbarrau prus de dus mesis
croccau. Ma ca timianta po ddus dennunziai mindi
portanta sa Mesada, finas a domu,ma candu femu
sanau emu torrau a cambiai ortu.
E femu andau a Su Loi, cund’unu certu Boicu Locci.
Ma ca femu amigu de unu tali Tucceddu Mallus de
Sarroch niada fattu connosci un’armadori de sant’Antiogu
E mianta preparau is documentus po m’imbarcai
Ind’unu Pesckerecciu. È apu fattu casi dus’annus de
Piscadori. Ma ca fiat suzzediu de fai unu mannu guastu
e mus isbarcau isu portisceddu de Barisardu.
Deu appustis de una paregke disi femu torrau a Su Loi.
A s’Ortu cun Boicu Locci, e candu mianta torrau a izzerriai
po s’imbarcu non femu partiu prusu.
Ca mianta fattu su postu po sa stagioni de sa salina
e mu tirau Sali po quattru mesis, e si guadangiada
circa Duamillaecinquxentus francus a sa diri.
È apustis accabbau in sa salina, tramite una Zia mia
ndi femu benniu a Serramanna,e ancora nci seu.

PO CARU RIGORDU MIU E DEIS CARUS BABBU E MAMMA

Giuseppina Boi: fiat nascia in Samassi – su Doxi de Austu de su 1893
In su 1900 ddi fiat mortu su Babbu; fadendi sa domu a unu mannu
Proprietariu Samassesu de nomini Begnaminu Piras.
E Giuseppina impari cuni sorris e su fradi,benianta postusu in
collegiu finas a cancu tenianta quindixannus.
M’apustis de una pariga de annus sa Mamma Maria Murgia si
fiada torrada a isposai cund’unu certu Giuannicu Onnis de Marrubiu.
È ca issa fiada de Sarroch,sindi fiada torrad’a bandai a bidda sua,e
Giuseppina puru andad’a bivi cun sa Mamma, i sorris eis dus fradis.
Ma unu fiat nasciu de su segundu matrimòniu,e si narada
Ferdinandu Onnis.
E Franciscu Serra: ca fiat Babbu miu,fiat nasciu a Senorbi
Su Noi de Marzu de su Milleottuxentus Noranta Sesi:
candu ddì fiat morta sa Mamma teniada dus’annus e mesu
è una sorri de nomini Antonietta fiada sposada cund’unu certu
Giuanni Pala nau Giuseppi. De Caputerra,ma bivianta in Casteddu.
È fadiada s’ortulanu. Aundi immoi c’esti sa prazza affacci de su
Palazziu de sa Regioni in Viale Trentu.
È Franciscu Serra, apustis torrau de su Trentinu.A sa fini de su 1918
Fiad’andau a fai su carrettoneri.
In s’azienda de Orri, deis Marchesus di Villahermosa.
È ingunis connosciada a Giuseppina Boi, e su Millenoixentus Binti
su Binti de Austu si fianta Sposaus.E tenianta quattru fillus,ma ca ddis
fianta mortus, Babbu e Mamma sindi fiant’andaus a bivi a Caputerra.
È ingunis in sa localidadi de suBrugu nasciada Antoni Serra:
su Dexi de Maiu de su Millenoixentustrinta.
È candu teniada sceti Settannus’emesu iada cumenzau a traballai.
Culpa ca su Babbu si fiad’amaladiau a sa vista, po unu scallentamentu
Istudendi fogu in su de s’Ingegnieri Garbellini in Pauliara.
È ddianta depiu operai, è deu fademu a su mangianu a Iscola e su
merì a fai s’ortulaneddu cund’unu certu Efixieddu Casu.
Po primu miat postu a limpiai tueddas;
apusti miada imparau comenti si segada su perdusemini,
èn ci femu lompiu a ndi fai giai settimilla mazzitteddus a sa dìri.
Cund’una paga de quindixi francus a sa cida,
finas a candu mia postu a fai de totu.
Ma sigumenti ca sa paga mi pariat pitica emu cambiau ortu.
E femu andau cund’unu certu Giuanni Cau a s’ortu de s’Algkeresu,
a su costau deis fradis Aramus in Maddalena Spiaggia.

MAMMA CARA TINDI SES ANDADA

“ SESTINAS ”
“ ANACLEONTICAS ”

Mamma Cara tindi ses ’ andada
è ’ t‘a nosu in tristura sas lassau:
po su dannu capitau
ca po sempri tui si ses mancada.
Ma non t’ iscaresceus mai
è po totu vida teus’ a rigordai.

Deu Babbu, e su Caru Fradi miu
ki tui teniasta po fillu istimau;
ca mai tiad ’abbandonau
è tiat sempri po Mamma preferiu.
Oi ddu potzu nai francu,
ca femus totus ’ a su tù fiancu.

È in su piticu ca teus fattu onori
send’in vida è pustis morta puru:
deu t’istimu e ddu giuru
ca sempri ti tengu veru Amori.
È ’ t ‘ collocada in Coru,
deu ti portu è, ti nau ca ti Adoru.

È‘ t ‘ in di riserbu su rigordu Caru
de totu su ki deu ’ apu connotu;
è ringraziu po totu
po finas de su donau po imparu.
Ndi fatzu paragoni,
su bon’ esempiu de s ’ educazioni.

PO RIGORDU DE SU POETA

“ ANTONI SERRA “
CA RIPOSADA INNOI ”
“ UNU
“ MUTTETTU

SENDI UNU POETA GAGLIARDU
CUSTU LASSU A SA COMUNIDADI
IN’ETERNU PO MI RIGORDAI
A SU SERRAMANNESU COMUNU
REGNU DE POETICA PARTIDA
CA DE SEMPRI SA FAMA GOSADA
A SA CAMPIDANESA CANTAU
LIGGEIDDU PO NDI TENNI PROI
“ RIMA ”
INNOI RIPOSADA UNU KI ADI
ONORAU IN VIDA SU CANTAI SARDU.

PO SA MORTI DE S'AMIGU ERMINIU DEIDDA DE CAPUDERRA

DUAS
UNDIXINAS

Fortuna no’apu tentu
De ‘ ti ‘ torrai ‘ a ‘ biri:
In vida , Carissimu ‘ Amigu ‘ miu.
E‘non mi fai cuntentu
Ca ses mortu de’isciri,
Cosa de no’essiri ‘ mai preferiu.
Po ‘ unu caru ‘ Amigu
De su ‘tempus’antigu;
Ca po meda s’amicizia eusigkiu.
Send’in sa gioventudi
Aici ‘ fessist ’oi ‘ cun ‘ sa saludi.

E ‘ mancai ‘ lontanu ‘ sia
No mi seu scaresciu mai:
Ca tui mi ‘ fiast’ un ’Amigu ‘ Caru.
De ‘ cudd ’ era ‘ preferia
E ‘ t ’ddu ‘bollu ‘rigordai,
Ca ‘su tempus ‘si mostrad ’avàru.
S ’ Amicizia ‘ firmendi
Su cumpensu tenendi;
Eccu ‘ ita ‘esti ki deu‘oi ddi ‘ naru.
A ‘ su ‘ turmentu ‘fattu,
Po su mundu sempri prus’ingratu.

PO SA CRESIMA DE NETTA E NEPODI CLAUDIA E FILIPPU

DUAS
UNDIXINAS
Su Munsegniori sa nau
Beni de si cumportai:
De sa vida ‘ in totu su frangenti.
Candu s’adi cunfirmàu
E‘t ’a‘Cresia de bandai,
A ‘ t ‘ a ‘ pregai po totu sa genti.
Po ‘ essi ‘ meritevoli
De s ’ attu gradevoli;
In ‘totu su mundu ‘ interamenti.
E ‘si donat‘consillus,
De ‘s‘atturai cunis’ogus abillus.

In su propriu momentu
De si nai rispettosus:
Bravus serius e de bonu giudiziu.
Po tenni su cuntentu
De fillus ‘affettuosus,
E’t ‘ finas ‘attesu de dognia viziu.
Bivend’in ‘ s’onestadi
E ’ t ’ non de caridadi;
Senzè ‘ biri perunu ‘pregiudiziu.
In ‘ sa vida gosendi,
Cun sa saludi su tempus bivendi.

OI' DEU A SU COMPLEANNU

DUAS

UNDIXINAS

Oi‘deu ‘a ‘su compleannu
Ddema ‘ bolli ‘ fai ‘ festa:
Impari ‘ cun ‘ totu ‘ sa ‘ famiglia.
Senzè ‘ nisciun ’ affannu
Cun d ’unu durci ‘ a testa,
E ‘ de ‘ murta ‘ cund’una ‘buttiglia.
A ‘ totus ‘ po ‘ cumbidai
Imprusu ‘ de ‘ su pappai;
Po ddi ‘ fai sa fest ‘a‘ meraviglia.
Allirgus ‘ e ‘ cuntentus,
Pon ci‘passai ‘ varius ‘ momentus.

Affestendiddu ‘impari
Totus cust’annu puru:
Arricciendi ‘ cuss ’ auguru ‘ caru.
E ‘ donus ‘ unu mari
De ‘ bivi ‘ su ‘ futuru,
Senzè ddu biri tristu’e’manc’avaru.
Donendi ‘ cuntentesa
In segnu de grandesa;
Ammostendi ‘ su ‘ logu prus claru.
E ‘ de custu momentu,
Ki ‘ si serbada ‘ po ‘ divertimentu.

IN SU SITU SERRAMANNESU

DUS

MUTTETTUS
In su situ Serramannesu
A su fiancu deis ‘iscaltrus
Deu senza de middu vantai
Apu potziu cantai felici
E ca no seu sonnendi miri
Lassai puru ki ‘ oi si neri
Ca dogna borta ki apu cantau
Non mi seu agatau stancu
Po finzas fadendi de capu.

RIMA

A su fiancu de Steri, Picci, e altrus
Apu aggiudau a ingrandiri su cantai Campidanesu.

Deu in su campu de sa poesia
Femu ‘ unu giovunu preferiu
In cudd ’ antiga ‘ poetica arti
Senza de mi crei ‘ geniu riccu
Deis mannus ‘ sempir ’ avàtu
In su ‘ cantai ‘ bivemu siguru
Cun su muttettu torru ‘a capu
In su nostru campidanu ‘ creu.

RIMA

Deu puru in su piticu miu
Apu ‘ fattu ‘ sa parti mia.

E MANCU 'IMMOI CANTI MORTU GENTI.

UNU

SONETTU

E ’ mancu ‘ immoi ‘canti mortu genti
Su ’ tràfficu ‘ non ‘ benit ‘ controllau:
Ca ‘ po ‘ fina ‘ su ‘ logu ‘ interamenti
Ai ‘ custa‘Bidda‘dd’ant’abbandonau.

È ‘ po ‘ bend ’ is ‘copias ‘ solamenti
De‘su‘giornali ‘ è benniu ‘pubblicàu;
Ma ‘ totu ‘ s ‘ ateru ‘ est ‘ indifferenti
Po ‘ non ‘ biri ‘ mancu ‘ itè ‘ capitàu.

Usendi sempri ‘ sa propriu ‘ manera
Po finas de curri ‘ a sensu contrariu:
Cun ‘ sa Bicicletta ‘ kiè ‘ senzè ‘ luxi.

È ‘ i s ‘ autistas ‘ bandint ‘ in ‘ galera
Ca ‘ po ‘su mortu‘geinc ‘ è ‘su vicariu;
Cun’s’acqua‘Santa po ddi fai sa gruxi.

È’ cun su ‘ arziai ‘sa‘manu‘deretta
Arreccumandada ‘ fadei ’ colletta!

CUNTENTU CA SU PAPA' EST'ARRIBA'U

UNU
SONETTU

Cuntentu ca su Papa ‘est ’arribàu
Oi ‘ Casteddu si ‘ bistid ’ a ‘ festa:
Cunin ‘ su logu totu‘ imbandieràu
È ‘ t’ controllau de genti modesta.

In ‘ pompa‘magna ‘benid ’azzettàu
È’ t’cun saggesa finas ‘a ‘ sa lesta;
De ‘ meticolosus ‘ beni ‘controllau
Po‘nò dd’offendi sa tèppa molesta.

Giustu in sa bella’zona‘de‘Bonaria
Aundi ‘ sa cascia dd ’iant ’agatada:
Is Mercedarius ‘ in tempus ’antigu.

In ‘sa ‘spiaggia begna leggendaria
De ‘cudda lontana‘epoca‘ passada;
Po ‘ non ‘ serbiri ‘mai ‘ de ‘ castigu.

Totu ’Casteddu ddu‘ tenit‘presenti
È‘t‘ donad ‘onori’a sa manna genti.

A' SA GENTILI DOTTORESSA PAU

DE SU SPIDALI DE SANGAVINU MONREALI

Tristu can ’ò dd ’apu saludadda
Deu ‘ancora,ddi nau ca m’agatu:
Ca propriu sa diri ki’e’t’mancada
A‘mei dimissionariu m’anti fattu.

Ma ‘ veramenti fiad ’ aspettada
Po tenni de sa vida su riscattu;
Ca ‘ su de bivi ’a porta serrada
Bengu‘a ddi nai can ò fia gratu.

E ’t’ oi ’deu po su ‘ ringraziamentu
In ‘ciddi mandu custa ‘ mia poesia:
Cun s’isperanzia diess’aggradesia.

Sidd’apu scritta’ in custu momentu
Pensendi ‘ ki ‘ dda tengat ’ preferia;
In ‘ su ‘ modu ‘ ki sidd ’apu ‘ tessia.

E ‘ t ‘ custas‘ rimas dd’apu preferiu
Poncidd ’ apporri ‘ su ‘ Saludu miu.

A NEBODI MIU MARCU SERRA

S‘AUGURU POIS DEXIOTT’ANNUS

UNU

SONETTU

Deu ‘ nebodi ti ‘ boll ’ augurai
Aterus ‘ annus ‘ ottantadusu:
A‘ t ‘ centu ponci ‘pod ’ arribài
È‘podendi’calencunu‘imprusu.

Ma beni totus de ddus passai
È‘t‘de non ti biri mai confusu;
E ‘ t ‘nemancu de ti disisperài
In ‘ totu ‘ cussus ‘ annus tusu.

Cun s’aspettu de su giovuneddu
Po ‘ ti ‘ bivi ‘ e ‘ mantenni ‘ sanu:
E ‘assumancus‘allirgu‘ kè ‘ a ‘ oi.

È ‘ pappendi sa pezz’è porceddu
E’a ‘sa genti stringendi‘sa‘manu;
Po ‘ mostrai‘ca ‘dda podis ‘ arroi.

È ‘ t ‘ po ti prandi cun bon ’apititu
Fai si ‘inzandu cuss’ateru ‘ invitu.

A' SA NEO DOTTORESSA " VALENTINA MURGIA"

UNA

UNDIXINA


A ’ sa ‘ Neo Dottoressa
Is’carus’Augurus mius:
Po s ’essiri cun Lodi Laureada.
E‘ finas beni‘espressa
In ’ istudius preferius;
De s’essi verament’impegnada.
E‘t‘in c’è pozzi’arribbai
Sa ‘ Laurea de si pigai;
Unu ‘crasi ‘po ’ essi sistemada.
Po ‘ tenni ‘ faccoltadi,
De ‘ bivi cun ‘sa vera dignidadi.

A' S'INFERMIERI FATTORINI

UNU

SONETTU

Oi ’ a ‘ t ‘ s ‘ Infermieri Fattorini
Cun ’ affettu ‘ddu bollu saludai:
Riservendi po finas ’ a ‘ sa fini
Su ‘ nomini miu ‘de dd ‘ isvelai.

A ‘ t ‘ candu sa firma bid ’è’ kini
Su scrittu ncidda boffiu mandai;
S‘anonimu versu ‘ ke ’ una Frini
Lassendiddi’ tempus de pensai.

Kè candu ‘ fademu ’ s ’ internau
Po Dis’ medas ‘ in cussu Spidali:
De sigkiu contend‘is’oras tristas.

Comenti tantis ‘ ind ’apu ‘contau
In ‘ circa de mi curai ‘ de su mali;
Biendi sempir’is proprias ‘vistas.

Totu ‘ ancora non mest’iscaresciu
E’t’su rigordu‘mè po finas cresciu.

A' NOMENAI SA MORTI

DUAS

UNDIXINAS

A ‘ nomenai’sa morti
Nau ca poni ‘tristura:
Ca’esti sempri boccendi genti.
Cussa kiè mala sorti
E ‘ leggia de bisura,
De fai spantai meda veramenti.
Sceti cun su nomini
Ddu fai tremi s’omini;
Cun sumbra lassada solamenti.
Ponid‘in pensamentu,
Sa frùsa ki faidi cun ‘su bentu.

Mancai senzè dda biri
Cussa poni ‘ timoria:
A ‘is biventis de totu su mundu.
E‘non ddus faid’arriri
Sa mostruosa parodia,
De proibitivu ‘ esiliu proffundu.
Cussu nomini folli
Mancai senzè bolli;
Ddu fai timi ‘e pinnica’in tundu.
E ‘ddu ponid’in riga,
Sceti s’aria de cussa nemiga.

A' S. NICOLINU ARBA DE CASTEDDU.

UNU
SONETTU

A ‘ t ‘ su connotu‘ de ‘ bolli torrai
Tui ‘ Nicolinu ‘ ti ‘ ses ’ azzardau:
Senza ‘ de ispiegai su ki bolit nai
Cussu fueddu de tempus passau.

Ma deu ti dimandu de ddu spiegai
Cuss‘argumentu ki tui ‘ as pensau;
È ‘ prestu risposta de mindi’ donai
De ‘ custu ‘ ki deu ‘ apu dimandau.

E ‘ t ‘ ki permitis ti dimandu scusa
Po ‘ s ‘ azzardu ki ‘ deu ‘ apu fattu:
A‘s‘argumentu ki tui ‘ as propostu.

Tenendi ‘ favorevoli ’ sa ‘ Musa
Bellas rimas po’t ‘ apporri gratu;
E‘t ‘ki non funti de basciu costu.

E ‘t‘cunin s’ide’a’non ti cunfundi
Deu ti pregu de boll’ arrespundi.

A' META' DI DE SA PRIMAVERA

UNU

SONETTU

A’ sa metàdi de sa ‘primavera
De s’Istadi si mostra s’ intrada:
E ‘ si ‘ bistid ’ in ‘ forma ‘ ligera
Cun camisa beni‘arremangada.

E ‘nò prus a bistimenta intera
Ma beni si ‘a tenuta spezzada;
Cun berrettu ‘a ‘longa visiera
A s’usanzia de s’era passada.

Ca ‘ sa genti prus ’ beni bistiada
Cun sa moda de tempus lontanu:
E ‘ s’ incingiada bistiri cumplettu.

E ‘ t’su maistrepannu ki cosiada
Dognia puntu ddu poniad’a manu;
E su ‘ bistiri ‘ ddi bessia ‘perfettu.

Ca ‘ ddiat ‘ fattu cun ‘arroba bona
Issu saggiad ’a ‘ dognia ‘ persona.

A' DOTTORIS E' INFERMIERIS DE SU SPIDALI DE SANGAVINU MONREALI

DUAS
UNDIXINAS
Ddus ringraziu de coru
Po sa cura prestada :
E ‘ddis dedicu custa mia poesia.
Ki ‘ sa fatiga ‘ insoru
Ddis bengat‘ripagàda,
E ’ t ’ custa pitica donazioni ‘ mia.
Nò dda crettanta vaga
Ma ddis‘serbat po paga;
Tenendidda ‘ de ‘ coru ‘ preferia.
Sidea ‘ ki ‘ apu tentu,
De ddis nai ca seu meda cuntentu.

Ca deu su ‘ sacrifiziu
Ki fainti,ddu cumprendu:
E ‘ddis fatzu‘su‘ringraziamèntu.
Ca ‘ teninti ‘ giudiziu
Cust‘onori ddis rendu,
In custu poeticu ‘cumponimèntu.
Ca funti ‘ competentis
Meda, e riconoscentis;
E‘t‘fainti curas‘dognya momèntu.
Contras deis maladias,
Ki nemus‘ddas ‘ tenidi ‘ preferias.

A' CASTEDDU ' ARRIBBADA

DUAS

UNDIXINAS

A ’Casteddu ’arribbada
Ca’is’undas de su mari:
In su siccu dd ’ianta fatta firmai.
Cussa ‘ cascia serrada
Po dda ponn’in s’Altari,
De sa Cresia ki dd’anti depiu fai.
A ‘ Maria ‘ de Bonaria
In s ’ era leggendaria;
Donny’annu po dda bolli ‘ festai.
E’t ‘ no solu Casteddu
Cussa Mamma‘cun su Bambineddu.

I’ Sardus fainti festa
Ca ddi tenint ’amori:
Is ‘ de cust ’ isula ‘ interamenti.
Non cun forma modesta
Ma ‘ prenus ‘ de fervori,
Dd ’onorada‘custa Sarda genti.
Cunin sa Prucessioni
In ‘ s ’ intera‘ Regioni;
Ca’ funti devottus ‘ veramenti.
A’issa si funt’invocaus,
Giai de meda‘séculus passaus.

A' DDIS NAI CA FUNTI TRASCURAUS

UNU

SONETTU

A ‘ ddis nai ca ‘ funti ‘ trascuraus
A‘ nemus oi‘ ddi ‘fait ‘ meraviglia:
Cais maladius funt’abbandonaus
Kè ‘ poberittus‘kenza de famiglia.

E ‘ t ‘ finas affrigius è’ t’ ispantaus
De comenti’dda pigant’a puntiglia;
E ‘trattendiddus ke’aiscramentaus
Po ‘ non biri ‘ ca ‘ fainti ‘parapiglia.

Assistendi ‘ a gridus e ‘ burdellus
De trapanus ki ‘ funti ‘ stampendi:
Is ‘murus ki parinti ‘ beccitteddus.

E’t’ po finas is giovunus novellus
Totus ‘ oi ‘ si ‘ funti ‘ lamentendi;
Finas‘iski risparmianta’is fueddus.

C’ascurtendi ‘iras‘e’ t ‘ iscroscius
Totus nanta can di funt’arroscius.

PO SA MORTI DE MATTEU MUREDDU

Po sa morti de Matteu Mureddu
sa Sardigna de luttu sèt bistia:
ca sèst tragica finia
sa vida dei cussu giovuneddu.
Mortu deis talebanus,
contrarius ' ai sordaus Italianus.

Mancau fatzanta de paxi missioni
eccu su ricumpensu ant' arricciu;
custè su pareri miu
po su guerrieri de pro fessioni.
Ca pensad'a bocciri,
narendi ca issè difendendi siri.

De su ki sa paxi, è diffundendi
a sa nazionedda meda strana:
in sa terra lontana
ca funti de sempri cumbattendi.
E fadend'arrovina
ma nisciunus ddi fait sa mexina.

E' nemancu su russu nomenau
non circada de ddu fai firmai;
po ddu dep'iscramentai
su logu de siddessi bombardau.
E' fattu a terra paris,
po n'offendi prusu is militaris.

POIS MORTUS DE SA SARAS

Sardigna torra luttu
po disgrazia tè toccau:
de sa Saras cun vera nota trista.
Tres mortus segnu bruttu
in sa facci ta lassu,
oi finas cust'atera manna lista.
De mortis capitadas
in menti registradas;
po ddas portai sempir'in sa vista.
candu liggis giornalis,
c'est cussu vili nieddu signiali.

Ca Brunu Danieli cun Luigi
oi poburus anti perdiu sa vida:
qasi a primu de cida
su traballu affrontendi,
a sa famiglia pensendi
nonddu scianta de dd'affrigi.

E ca nosu ddu teneus po' usanzia
Deu porgiu sa mia Condoglianzia.

UNU MUTTETTU PO S'EX SINDIGU DE SERRAMANNA

NASSISU MACCIONI

Ca occannu po preni s'argiola
nau chè peus de snnu passau:
e su carru ponit'istangas'asegus
ca su lori nòat pigau pranta,
e' a ddu prangi adessi sa sozza;
ca non ti torrat nemancu su costu
è poburu messàiu naqradedu,
ca tui pappas ' su pani a mindigu.

RIMA

Su Sindigu nostu, nanta chè torrau
De Cuaddu è carrozza a pegus de mola.

DEIS CARUS POETAS KI FUNTI MORTUS

Deis carus poetas ki funti mortus
rigordus bellus funt' agatendi:
ca cun su cantu usanta rapportùs
in su tempus ki fianta bivendi.

Eis familiàris ddusant'arregortus
ea genti meda ddus funti' donendi;
po ddusus leggi tenendi cunfortus
is frasis dignas finas' ammirendi.

Esempri caras puru de ddas tenni
ca su Nomini port'anta scrittu:
dei s'onoraus po Serramannesus.

E sa bidda indi depit cumbenni
de Caboni Piras cillccu e Pillitu;
ca de cantai si mostrant'avesus.

E' in Campidanu dognia cantadori
Tenga su gosu de ddis rend'onori.

SU MOMENTU PO DDAI CANCELLAU

Su momentu po ddai cancellau
Biddesoris e prangend'in coru.
e finas deu ca dd'apu fabbricau
seu sunfrendi a su costau' inzoru.

Ca cuss'opera de tempus passau
po' sa' bidda' fiad' unu' tesoru;
de ognia sardu, diessi' lagrimau
su malu fuededu ki' nanta' divoru.

Po ki nemus dedu potza biri prusu
su mannu silus, de Zuccherificiu:
ki s' Eridania' si ' fiat' costruiu.

Ma cunin s'andai deis'annus susu
a' t' finiu de ddis donai beneficiu;
e' de ddu distrùggi' anti preferiu.

Mancai sa genti ndi fessi contraria
Oi' siddanti' fattu ' sartai' peraria.

" UN'ORA SES PILLONI ARROLIENDI.

" SESTINAS "

" ANACREONTICAS "

U ' N ' ORA SES PILLONI ARROLIENDI
E NON T'ACCATAS DE SU LAZZU PARAU:
FINAS KI NON SES CASSAU
NON FIRMAS DI ESSI PREXAU SARTENDI.
AINTRU DE SA PINGIADA,
E FINAS CUN SA BAGNANA PREPARADA.

O CANDU TI PONINTI ARROSTIRI
CUNIS COLLEGAS TUSU ISKIDONAU;
O PPURU ARROSOLAU
A PUSTIS DE TàI POSTU A BUDDIRI.
CUN SA MURTA PO FRAGAI
FATTU A TACCULA PRONTU A PAPPAI.

GROGU KI SIASTA O NIEDDU
O DE ARRAZZA INCESPIADA:
E MANNACCIU COMENE A SU TRUDORIU.
OGUALI A SU GRISEDDU
CUN BARBA COLORADA,
E GIRENDI TOTU SU TERRITORIU.
PO TI CASSAI FACILI
SENDI PEGUS GRACILI;
CA SES DE SU TRUDU S'ARREMPORIU.
PILLONEDDU EMIGRANTI,
DE NON TI PODI NAI SU BIRBANTI.

CUSTU QUATTRU DE FRIARGIU.

" UNA UNDIXINA E UNA SESTINA "
" ANACREONTICA "

Custu Quattru de Friargiu
sesti presentau mali:
immoi ddu potzu nai veramenti.
C'a cussu nò mè pragiu
po essi stetiu bestiali,
de si presenta ' irriverenti.
Mostrendi si contrariu
cun su beni primariu;
negkendi sa saludi de sa genti.
Cun su beni ki faidi,
narendi ca su tempus distraidi.

Ponendi penas e finas timòria
is doloris ki fainti sunfriri;
funti sigkendimiri
cun gana de non essi preferia.
Senza de ddu cumprendi,
poita tentad'ami boll'offendi.

UN' ATERU POBURU SA LASSAU

Un'ateru poburu sa lassau
nottesta ponendisir' in pena:
propriu dopu sa cena
issu cuni su bivi ad'accabbau.
Finendi su lamentu,
è t'su dolori mannu kia tentu.

E' t' deu ddi dongu custu saludu
mancai no ddu tenessi connotu;
siddu fatzu accetotu
po kin su Celu tengat s'aggiudu.
K'i ssu fiat domandendi,
candu s'arrespiru fiat finendi.

Oi riposas in sa Pasci etterna
E' t'de sa genti benis rigordau:
po totu su ki as passau
in sa selva vantada po moderna.
Po custa circostanza,
Deu porgiu sa mia condoglianza.

Addiu Carissimu Amigu nostu
è' gradesseddu su rigordu miu,
è teniddu preferiu
ca seu su ki femu a costau postu.
E' po finas dispraxiu,
in sa notti de su noi de Friarxiu.