" QUARTINAS "
Serramanna tenit sa fortuna
de possidi kè rara realtadi:
s'opera valorosa non comuna
arregalada de s'antigkidadi.
E post'accanta de su campanili
s'a memorànd'artistica bellesa;
in su prospettu de unicu stili
a dimostrai ca est' una rikesa.
De sa bidda,ea centru e posta
po dda biri sù ki passat puru:
in sa prazza candu fait sosta
a luxi clara o siad'asu scuru.
Issa sperada fini de non tenni
ea no subiri restauru profundu:
in su tempus ki sigkid'a benni
potzat durai cantu bivit mundu.
E cun'orgogliu dognia cittadinu
in sa vida ddi tengat rispettu;
e no dd'abbandonid' asu distinu
ma de salvesa ddi donid'affettu.
domenica 31 gennaio 2010
Iscriviti a:
Commenti sul post (Atom)
Nessun commento:
Posta un commento