A TIMI SA BECCESA

A timi sa beccesa
deu nau ca ti portada:
cand'as passau mala gioventudi.
E sunfriu poboresa
sa ki no' cunfortada,
ca ta finas privau de sa saludi.
Sù subir'intemperias
de sicca' is'arterias:
po t'arrecumpensai de sa virtudi.
cunin cussa cundanna,
de ti fai tremi comènte sa canna.

A pustis una vida
bivia cun sacrifiziu:
cussa esti sa paga k'indas tentu.
De sa bella partida
giogada cun giudiziu,
a depi bivi cun mannu turmentu.
senza de nixiunu proi
est su ki t'aspettas oi;
de su tempus ki bola ke su bentu.
Inveci de t'aggiudai,
po totu su ki ddas pozziu donai.