martedì 19 ottobre 2010

“ FIERU: PO TI NAI POETA ”

“ DUAS UNDIXINAS ”

Fieru: po ti nai poeta
presenta bellas poesias:
de ddas liggi cun soddisfazioni.
È de cosa concrèta
po ddas tenni preferias,
è cumprendi su veru paragoni.
Senza de dd’ammesturai
sa rima po fai torrai;
èt parri ca est ’unu minestroni.
Ki èt finas mali cundiu
po tiddu nai cun su pareri miu.

Ita narat sa genti
de is versus k’iscrisi:
in su giornali po benni pubblicaus.
De tui poeta valenti
mandaus in custas disi,
a su spaziu ki nanta pois riservaus.
De comenti femus
è nò ddu negat nemus,
k ’est sa pagina deis ’affezionaus.
K’iscrinti a su giornali,
s ’ opera fatta in modu normali.

sabato 16 ottobre 2010

“ AI CUDDU PARIXEDDU LACUNESU ”

“ QUARTINAS ”

Ai cuddu Parixeddu Lacunesu
custa Bidda sa festa ddi faidi:
in su comunu Serramannesu
ca tanti lontanu non istaidi.

Sa Cresia fatta de Don B.Pittau
po commemorai a Santu Ignaziu;
su limusinanti kiè prusu istimau
de sa Sardigna in totu su spaziu.

È ‘ t’Casteddu ddu Santificàda
intitulendiddi po fina ‘su Rioni:
po rigordu de candu bandàda
de Guventu a s ’ ateru Cantoni.

Sempiri a solu , è ’ t ’limusinendi
ca campada de Santa caridadi;
è in Bertula totu ammesturendi
finas cosas de dognia calidadi.

Poniad ’ Ollu in mesu de su Binu
totu impari in su propriu Foddi:
senza k ’ istiddiessid ’ in caminu
ammesturu cunin su pani moddi.

È propriu cussu Santu ddiat fattu
sendiri ‘ Amau de sa Divinidadi;
dognia Persona indiddi fiat gratu
ca si biviada in signu è Santidadi.

“ TOTU IS FATTUS KI SEUS CONNOSCENDI ”

“ SESTINAS ANACREONTICAS ”

Totu is fattus ki seus connoscendi
a’t ‘ meda genti dda faid’ispantai:
è de pod’immaginai
cun ’is cosas ki funti suzzedendi.
C’esti su k’isparada,
e ’ t ’ a pungi su ki si preparada.

Unu malu e’ t ‘ cuss’ateru peusu
toccada de ddu nai francamenti;
e’ t ‘ non oi solamenti
dognia Dì peusu in d’intendeusu.
Dei custas kistionis,
ma ddis nanta cosè lazzaronis.

Bessius cunin s ’arresoi’a punta
Pensendi de s ’ agatai su certu:
po biri ki ddà fertu
a ‘ su ki dd’àt fattu sa pregunta.
Serrèndi sa disputa,
cunin cuss’armixedda farabuta.

È‘t‘non s’intendid ’ateras cosas
Isceti tantis mortis capitadas;
è fattas à istoccadas
ais mulleris fillas e s ’ isposas.
Giogus de picciokeddus,
po no mesurai beni is fueddus.

“ IN SARDIGNA SA BIDDA PRUS FAMOSA ”

“ UNU SONETTU ”

In Sardigna sa bidda prus famosa
èsti Quartu pregi’ è Campidanu:
logu bellu è cun terra ubertosa
èt’de Casteddu non tanti lontanu.

Ispansiva sa genti, è laboriosa
è ‘ t ‘ istudiosa de talentu sanu;
de vantu è ’ t ’ prus ke meritosa
ca su traballu ddu tenid ’a manu.

Importanti de non timi fatigas
è po sa zona operas inventada:
s ’ amicizia depend ’ istabiliri.

Po cuntentu deis bidds amigas
sa manna festa ddis presentada;
dognia strangiu fadendi divertiri.

Cun su stili de veru Sardignolu
a’ kini bandat ddi donat consolu.

“ DE S’ANTIGA CITTA’DI DE NORA ”

“ UNU MUTTETTU ”

De s’antiga Cittàdi de Nora
Pula no esti mancu lontanu
e a pei puru si podid’andai
caè pagu distanti s’aggiunti
de sa Bia de Santu Giuseppi
passendi deis moris internus
ki cuddus antigus fadianta
pois primus abitadoris
prima de benni tudau.

Rima

Is cantadoris modernus ki funt’in Campidanu
Nau ca ianta depi imparai ancora.

“ CA ISSU ISPERADA CUN SA BERIDADI ”

“ DUAS SESTINAS E UNA UNDIXINA ”

Ca issu isperada cun sa beridadi
è narendiddu Don Brunu Pittau:
ca bolidi riesumau
po isciri deita è mortu su fradi.
Ca sidd’ant‘interrada,
sa Salma senza diessi’esaminada.

È pensat cun certus istrozzinus
disonestus de mala cuscienzia;
de nòn tenni clemenzia
c ’anti fattu de vilis ’ assassinus.
È’ t ’ in cussa manera,
s’iscansanta po finas sa galera.

È a su poburu mortu
In sa lettia serranta:
è is familliaris a luttu bistendi.
Cun tanti de iscunfortu
pusti ki dd ’unterranta,
sempiri dda fininti prangendi.
Culpa de su malvagiu
si bivint ’ in disagiu;
certas penas po essiri sunfrendi.
È cussus sind ’ arrinti,
is parentis in luttu candu binti.

“ KINI MANDAD’ISCRITTUS A S’UNIONI ”

“ SESTINAS ANACREONTICAS ”

Kini mandad’iscrittus a s’Unioni
s’iscerit cun calma s’argumentu:
po non curri a su bentu
lassendi po su mori su stradoni.
Comenti fainti certus,
credendisiri po finas ’ espertus.

Candu cantanta in Campidanesu
in su campu de sa Sarda poesia;
po su kiddè preferia
ca dendi liggi puru est ’ avvèsu.
È ‘ tendid’andi cantai,
ca ddi praxidi a sidda imparai.

È‘ t ‘cussu ki su Sardu est’iscriendi
fatzat de totu po essi cumprendiu:
cun su fueddu spendiu
tra su ki Sardu s ’ agata liggiendi.
È’t ’non èt cantadori,
però a sa rima ddi tenid ’ amori.

Oi deu custu sidd’arreccumandu
in s ’intentu de mi ponn’amenti;
cun gana veramenti
senza ki torri a gkettài su bandu.
Su parri narendiddi,
una lezioni finas donendiddi.

“ SARDIGNA TORRA LUTTU ”

“ DUAS UNDIXINAS ”

Sardigna torra luttu
s’Afghanistan tà mandau:
cun su fillu Caru ki tà mortu.
Su vili farabuttu
ki non et mancu sordau,
ma tè ponendi mannu iscunfortu.
In cust ’isula intera
cuss’arrobè galera;
senzè dd ’essi fattu mancu tortu.
Sa manna sofferenzia,
ti donada po s ’ arrèccumpenzia.

De su beni ki fainti
salvendi sa Nazioni;
cirkendi finas de ddus’aggiudai.
In su logu k’istainti
cun sa mala intenzioni,
sempiri sigkedi a depir ’ isparai.
Fadendiddus sunfriri
ca prontus a bocciri:
po ki prestu sindi depanta bandai.
Su logu abbandonendi,
est su fattu ki cussu è tramendi.

IND’UNU LOGU PUBBLICU KE CUSTU ”

“ SESTINAS ANACREONTICAS ”

Ind ’ unu logu pubblicu ke custu
nau kè leggiu bagniu de nonc ’èssi:
po su ki tenit pressi
de s ’ orina po non sibir ’ infùstu.
È cun mannas bregungias,
però Serramanna non murrungias.

In sa posta po tenni su serviziu
a modu de sindi podi serbiri;
bruttus po non si biri
è ‘ t ‘ de subiri cussu sacrifiziu.
Si unu depid’ aspettai,
è ‘ t ‘ non iscidi prus comènti fai.

Mi nerinti a ‘ t ‘ kini s ‘ invocàda
una femina, ò puru s ‘ anzianu:
ki bivid ‘ a lontanu
po aspettai à candu ddi tocàda.
À pagai sa bulletta,
ita si ponid ‘ in mesu è sa saletta?

A ‘t’ fai ’arriri a totu cussa genti
candu si binti zertas ’ iscenadas;
ki funti capitadas
po su ki si narad ‘inconvenienti.
Nemus po dd’essi pensau,
de ddù fai cussu logu riservau.

“ DE FIERU SU SONETTU PRESENTAU ”

“ SESTINAS ANACREONTICAS ”

De Fieru su sonettu pubblicau
a mei paridi de sonu scadenti:
e ‘ t ‘ ddu tengas’a menti
ca po finas una crai ddà segau.
Su scrosciu de su lampu,
ti ddà postu a morr’in su campu.

Cun cussu paraccu lassau obertu
po no ddài pozzidu mancu serrai;
e ‘ t ‘ lassatiddu nai
ca beni de custu indi seu certu.
Ca su sonu cumprendu,
e de sonettus puru mind’intendu.

Po dduss’essi praticaus de piticu
cussus ddus fatzu cun faccilidadi:
de bona calidadi
su tema puru deu middu circu.
È senza de ammesturai,
is ’ aterus cosa po no depi nai.

È’ t’ non mi neristi ca seu sfacciu
custu rimproveru po tessi fattu;
po su sonu baràttu
ki nisciunus ddu tenit preferiu.
Comenti ddu presentas,
genti meda tui no ndi cuntentas.