“ DEU S’ADIOSU A MARCELLU MATTA ”

Deu s’adiosu a Marcellu Matta
oi purtroppu ddi depu donai:
ca s ’ Unioni dei custa data
a mei po finas mat fattu notai.

Veramenti sa notizia ingrata
à posta po ddu depi saludai;
su giornali notai middà fatta
ca su bivi ddàt depiu cessai.

Cust ’ Adiosu o Caru Marcellu
tiddu donada un’ Amigu Caru:
è conoscenti de tempus antigu.

Ki a su luttu narat m’affratellu
ca de tui indadi tentu imparu;
è finas sesi stau bravu Amigu.

È isciendi ca su bivi ddas finiu
Marcellu meritas su saludu miu.

Ca cust'annu cuntentu

Ca cust'annu cuntentu
si nau ca non ma fattu
è t'finas mali ca sè cumportau.
De su primu momentu
dimostrendisir'ingratu,
Contrariu cun sa genti
ki ad'agatau biventi;
è non ad'a nemus arrispettau.
Ma pigat fueddus malus,
fadendiddu curri de totu is tialus.

Kie' berus can ci funti
è bivint'in sa terra;
a su costau de certa genti mala.
Narendi deu dda' spunti
c'a totus fatzu gkerra,
de su mundu postu in dogni'ala.
Differenti de s'annu
ki passat cun'ingannu:
cussu tempus portendidd'apala.
Finas a depi accabài,
prontu s'ateru nc'e de cumenzài.

bon'annu cun'allegria

Bonn'annu cun'allegria
si narat s'auguru miu:
a totus è t'indistintamenti.
In custa di preferia
è si mest'acconsentiu,
in famiglia mia interamenti.
De si biri radunaus
po su prangiu ki speraus;
fra pagu de ponni su presenti.
E' pregu de non mancai
impari s'Auguru po si donai.

Cun d'una strinte' manu
sa festa principiendi;
comenti narada s'antiga usanzia.
E'in s'ideali prus sanu
sa tristura lassendi,
cun dogniatera mala circustanzia.
Prus fortuna de tenni
cuntentaus po benni:
nosu cun s'intera cumunanzia.
Po ddu podi aggradessi
cust'annu bengat po si favoressi.