“ IMMOI SANGAVINU SES CUNTENTU ”

“ SESTINAS ANACREONTICAS ”

Immoi SanGavinu ses cuntentu
ca torra in su carciri mas postu:
po ti pagai su costu
de cussas disi k’inguni mas tentu.
In sa cella inserrau,
bivendi finas ke a disisperau.

Però po su furtu suzzediu
tui ca sesi sempiri presenti:
no as cassau su pezzenti
a modu diessi postu in rimediu.
Ma tui punis su bravu,
e su malu ddu ponis in salvu.

Deu ti nau ca cussu non si faidi
è custu circa beni de imparai;
è po non ti criticcai
s’avvertimentu sciu ca ti staidi.
Po ki pozzas cumprendi,
ca deu no ti ddu nau pot’offendi.

Mancai ti siasta cumportau mali
custu ddu nau po ti boll ’avverti:
ki no abbarris in’erti
perdonendi miri a cussu tali.
È’t’ a mei mi cundannas,
pensendi ca fazz’offesas mannas.