“ DEU S’ADIOSU A MARCELLU MATTA ”

Deu s’adiosu a Marcellu Matta
oi purtroppu ddi depu donai:
ca s ’ Unioni dei custa data
a mei po finas mat fattu notai.

Veramenti sa notizia ingrata
à posta po ddu depi saludai;
su giornali notai middà fatta
ca su bivi ddàt depiu cessai.

Cust ’ Adiosu o Caru Marcellu
tiddu donada un’ Amigu Caru:
è conoscenti de tempus antigu.

Ki a su luttu narat m’affratellu
ca de tui indadi tentu imparu;
è finas sesi stau bravu Amigu.

È isciendi ca su bivi ddas finiu
Marcellu meritas su saludu miu.

Ca cust'annu cuntentu

Ca cust'annu cuntentu
si nau ca non ma fattu
è t'finas mali ca sè cumportau.
De su primu momentu
dimostrendisir'ingratu,
Contrariu cun sa genti
ki ad'agatau biventi;
è non ad'a nemus arrispettau.
Ma pigat fueddus malus,
fadendiddu curri de totu is tialus.

Kie' berus can ci funti
è bivint'in sa terra;
a su costau de certa genti mala.
Narendi deu dda' spunti
c'a totus fatzu gkerra,
de su mundu postu in dogni'ala.
Differenti de s'annu
ki passat cun'ingannu:
cussu tempus portendidd'apala.
Finas a depi accabài,
prontu s'ateru nc'e de cumenzài.

bon'annu cun'allegria

Bonn'annu cun'allegria
si narat s'auguru miu:
a totus è t'indistintamenti.
In custa di preferia
è si mest'acconsentiu,
in famiglia mia interamenti.
De si biri radunaus
po su prangiu ki speraus;
fra pagu de ponni su presenti.
E' pregu de non mancai
impari s'Auguru po si donai.

Cun d'una strinte' manu
sa festa principiendi;
comenti narada s'antiga usanzia.
E'in s'ideali prus sanu
sa tristura lassendi,
cun dogniatera mala circustanzia.
Prus fortuna de tenni
cuntentaus po benni:
nosu cun s'intera cumunanzia.
Po ddu podi aggradessi
cust'annu bengat po si favoressi.

'' COMENTI SI FAIDI A NON DEPI BIRI''

“ UNU ”

“ SONETTU ”

Comenti si faidi a non depi biri
is ’oras ki s’isprecada in sa posta:
è non funti mancu cosas de arriri
is ki suzzedint ’in sa bidda nosta.

Ca medas parint ‘ ispassiendisiri
addirittura cunin sa facci tosta;
tanti genti custu è narendisiri
c’èrtus giogais ’a s’accost’accosta.

È no c’èst’unu prontu a ddu pensai
kè lompia s’ora de ponni rimediu:
è cussa scenada de dda fai finia.

Kè bregungia deu siddu torru a nai
ca custa bidda est ’ind’un’assediu;
c ’ è finas pagu de biv ’in’allegria.

Custu ddu mandu in forma originali
Po ddu liggi sa Giunta Comunali.

( Antoni Serra )

“ FIERU: PO TI NAI POETA ”

“ DUAS UNDIXINAS ”

Fieru: po ti nai poeta
presenta bellas poesias:
de ddas liggi cun soddisfazioni.
È de cosa concrèta
po ddas tenni preferias,
è cumprendi su veru paragoni.
Senza de dd’ammesturai
sa rima po fai torrai;
èt parri ca est ’unu minestroni.
Ki èt finas mali cundiu
po tiddu nai cun su pareri miu.

Ita narat sa genti
de is versus k’iscrisi:
in su giornali po benni pubblicaus.
De tui poeta valenti
mandaus in custas disi,
a su spaziu ki nanta pois riservaus.
De comenti femus
è nò ddu negat nemus,
k ’est sa pagina deis ’affezionaus.
K’iscrinti a su giornali,
s ’ opera fatta in modu normali.

“ AI CUDDU PARIXEDDU LACUNESU ”

“ QUARTINAS ”

Ai cuddu Parixeddu Lacunesu
custa Bidda sa festa ddi faidi:
in su comunu Serramannesu
ca tanti lontanu non istaidi.

Sa Cresia fatta de Don B.Pittau
po commemorai a Santu Ignaziu;
su limusinanti kiè prusu istimau
de sa Sardigna in totu su spaziu.

È ‘ t’Casteddu ddu Santificàda
intitulendiddi po fina ‘su Rioni:
po rigordu de candu bandàda
de Guventu a s ’ ateru Cantoni.

Sempiri a solu , è ’ t ’limusinendi
ca campada de Santa caridadi;
è in Bertula totu ammesturendi
finas cosas de dognia calidadi.

Poniad ’ Ollu in mesu de su Binu
totu impari in su propriu Foddi:
senza k ’ istiddiessid ’ in caminu
ammesturu cunin su pani moddi.

È propriu cussu Santu ddiat fattu
sendiri ‘ Amau de sa Divinidadi;
dognia Persona indiddi fiat gratu
ca si biviada in signu è Santidadi.

“ TOTU IS FATTUS KI SEUS CONNOSCENDI ”

“ SESTINAS ANACREONTICAS ”

Totu is fattus ki seus connoscendi
a’t ‘ meda genti dda faid’ispantai:
è de pod’immaginai
cun ’is cosas ki funti suzzedendi.
C’esti su k’isparada,
e ’ t ’ a pungi su ki si preparada.

Unu malu e’ t ‘ cuss’ateru peusu
toccada de ddu nai francamenti;
e’ t ‘ non oi solamenti
dognia Dì peusu in d’intendeusu.
Dei custas kistionis,
ma ddis nanta cosè lazzaronis.

Bessius cunin s ’arresoi’a punta
Pensendi de s ’ agatai su certu:
po biri ki ddà fertu
a ‘ su ki dd’àt fattu sa pregunta.
Serrèndi sa disputa,
cunin cuss’armixedda farabuta.

È‘t‘non s’intendid ’ateras cosas
Isceti tantis mortis capitadas;
è fattas à istoccadas
ais mulleris fillas e s ’ isposas.
Giogus de picciokeddus,
po no mesurai beni is fueddus.